खबर लहरिया फैजाबाद बस के टक्कर से अध्यापिका कै मउत

बस के टक्कर से अध्यापिका कै मउत

bus jpgजिला अम्बेडकर नगर, ब्लाक जहांगीरगंज, गांव चहोड़ा घाट। हिंआ 28 अप्रैल 2016 का एक अध्यापिका कै बस के टक्कर से मउत होइगै।
गांव कै रंजीत यादव, मृतिका के चाचा श्यामदेव राजभर कै कहब बाय कि संतकबीर नगर जिला के उच्च प्राथमिक विद्यालय लहूरे गांव मा कार्यरत रहिन। खण्ड शिक्षा अधिकारी हर बाजार मा प्रशिक्षण दियै जाए का रहा। रंजीत यादव के मोटर साइकिल से जात रहिन। तेज रफ्तार से आवत रही सामने से प्राइवेट बस टक्कर मार दिहिस। घटना स्थल पै ही अध्यापिका कुशलावती कै मउत होइगै। रंजीत यादव सुरक्षित बचिा गइन। बस चालक बस लइके भागिगै। अबहीं अगस्त 2015 मा कुशलावती का संतकबीरनगर उच्च प्राथमिक विद्यालय लहूरे मा तैनाती मिली रही। घरवाले 19 अप्रैल 2016 का मुबारकपुर मरैला गांव के जितेन्द्र राजभर के साथे शादी करे रहिन। प्रशिक्षण दियै के ताई 26 अप्रैल का ससुराल से माइके आय रहिन। जवन बस के टक्कर से मउत होइगे। कुशलावती कै चाचा श्यामदेव अज्ञात बस चालक के खिलाफ केस दर्ज कराइन।
आलापुर थाना कै प्रभारी एस.ओ. केशव प्रसाद राय बताइन कि तहरीर मिली बाय। अज्ञात बस चालक के खिजाफ केस दर्ज कइके तलासी कीन जात बाय।