जिला अम्बेडकर नगर, ब्लाक कटेहार, ग्राम पंचायत बन्दनडीह, गंाव सुखारीगंज। हिंआ दलित विधवा मेहरारु के साथे हिन्दू युवा वाहिनी कै जिलाध्यक्ष सूर्यमणि यादव अउर उनके साथी बलात्कार करे रहिन। जेसे उनके खेत कै कुर्की होइगै। बैंक खाता भी सीज होइगै बाय।
गांव कै विनोद दूबे बताइन कि तीन महीना सक लगातार सूर्यमणि का गिरफतार करै के ताई धरना पै बैठा हई। अबहीं उनकै गिरफतारी तौ नाय भै लकिन खेत कै कुर्की होइगै। दलित विधवा मेहरारु के साथे सूर्यमणि यादव उनकै साथी के ऊपर बलात्कार करे कै आरोप बाय। जेसे सभाराम, राजितराम के ऊपर सामूहिक बलात्कार करै के आरोप मा धारा 376, 506, व 3(2)5 एस.सी., एस.टी. एक्ट लाग बाय। मुकदमा अपराध संख्या 435/14 अउर हाजिर न हुवय से उनके ऊपर 83 धारा लाग गै बाय। सी.ओ. सिटी इन्दू सिध्दार्थ के विवेचना से 20-21 दिसम्बर 2014 का सभाराम अउर राजितराम के खेत कै कुर्की होइगै।