सुलभ शौचालय में लटकत ताला
जिला महोबा, ब्लाक जैतपुर, कस्बा कुलपहाड़। एते गोंदी चैराहा में बनो सार्वजनिक सुलभ शौचालय में ताला लगो हे। काय से ओते बोर्ड नई लगो हे।
राजू के साथे तमाम लड़कियन ने बताओ कि जा शौचालय आठ साल पेहले को बनो आय। जोन लगभग तीन साल से बन्द परो हे। काय से जा शौचालय दुकानन के पछाऊं बनो हे, ओर कहूं बोर्ड नई लगो हे। महबूब बताउत हे कि ईमे लगे सप्लाई के नल में पानी नई आउत आय। नगर पंचायत में केऊ दइयां कहो हे, पे कछू सुनवाई नई भई आय। कुलपहाड़ नगर पंचायत के अधिशाषी अधिकारी राजकुमार उपाध्याय ने बताओ कि ऊ शौचालय हमाये अण्डर में नइयां। ऊखे नेडा विभाग वालेन ने बनवाओ हतो। फिर भी हमने एक महीना पेहले ओते बोर्ड लगवा दओ हे, पे पेन्टर न मिले खे कारन ऊमे कछू लिखा नई पाये हें।