खबर लहरिया औरतें काम पर बच्चा पैदा करावैं मा लेत रूपिया

बच्चा पैदा करावैं मा लेत रूपिया

13जिला चित्रकूट, ब्लाक पहाड़ी, गांव प्रसिद्धपुर। हिंया के उर्मिला किदरिया बच्ची, निर्मला समेत बीस लोगन का कहब हवै कि पहाड़ी प्राथमिक स्वास्थ केन्द्र मा बच्चा पैदा करवावै मा मेहरियन से डाक्टर रूपिया लेत हवै । या कारन बच्चा पैदा कराववै वाली मेहरिया परेशान होइ जात हवै
उर्मिला, किदरिया इनकर कहब हवै कि सरकार तौ कहत हवै कि सरकारी अस्पताल मा रूपिया नहीं लीन जात, पै बच्चा पैदा कराववै वाली मेहरियन से दुइ सौ से लइके तीन सौ रूपिया तक ए.एन.एम लेत हवै। गरीब मड़ई कर्जा लइके अस्पताल तक आवत हवैं। ऊपर से दवाई करै मा ए.एन.एम रूपिया लेत हवै। का उनका सरकार वेनत नहीं देत जउन कि उंई बच्चा पैदा करावै मा रूपिया लेत हवै?
नीतू ए.एनएम. का कहब हवै कि जउन दवाई अस्पताल मा नहीं आय। उनका बाहर से मंगवावै का परत हवै। यहै से मरीज कहि देत हवै कि डाक्टर रूपिया लेत हवैं।
अस्पताल के प्रभारी मुकेश का कहब हवै कि हिंया कउनौ रूपिया नहीं लीन जात आय। मै अबै आय हौं कउनौ रूपिया लेइ वहिके ऊपर कारवाही कीन जई।