खबर लहरिया औरतें काम पर बच्चन बच्चन की लड़ाई में करत अभद्रता

बच्चन बच्चन की लड़ाई में करत अभद्रता

M mahila muddaजिला महोबा, ब्लाक जैतपुर, कुलपहाड़ कोतवाली क्षेत्र की एक 35 साल की ओरत को आरोप हे कि गांव को ही बबलू बाजपेई अपनी छत में बेपर्दा ठाड़ हो जात हे। गाली गलैज करत हे। ईखी दरखास कुलपहाड़ कोतवाली में दई हे।
ओरत बताउत हे कि मोओ आदमी दिल्ली मे रहत हे। एई से बबलू मोये तीन महीना से परेशान करे हे। 21 सितम्बर खा रात 9 बजे बबलू अपनी छत में बेपर्दा ठाड़ हतो, ओर मोये कहत हतो की ई केती खा देख। ते बोहोत अपने मन की ओरत हो गई हे। बच्चन की लड़ाई में घरे उलहना देत हे। तोये कुल्हाड़ी से काट के पूर देहों कोनऊ खा पता न चलहे। ओर गाली गलौज करत हतो। ईखी दरखास मेंने 22 सितम्बर खा कोतवाली में दई हे। कुलपहाड़ कोतवाली को कोतवाल सतीश कुमार शुक्ला कहत हे की दरखास आई हे। ईमें जांच कर कानूनी कारवाही करी जेहे। अगर दोनऊ  दोषी पाये गये तो दोनऊ खा जेल भेजो जेहे।