खबर लहरिया फैजाबाद फैजाबाद में प्रशासन ने हटवाया अतिक्रमण

फैजाबाद में प्रशासन ने हटवाया अतिक्रमण

जिला फैजाबाद। हिया डी एम किंजल सिंह द्वारा 10 अगस्त का तहसील तिराहा से स्टेशन तिराहा तक, पूरब मा चाक घर से रेलवे स्टेशन तक, उत्तर मा पुष्प राज से स्टेट बैंक तक अतिक्रमण हटावा गय। जेसे कितना मजदूरन कै रोजी रोटी छिन गए।

दुकान लगावै वाली कुमारी देवी बताईन की डी एम सिर्फ इतना कहिन की दुकान हटवाय लिया नाही तौ बुलटोजर चलवाय दिएब। तीसरी पुस्त हिया दुकान लगावत होइगा। एक घंटा कै मोहलत दियाथिन। सबका मज़बूरी मा एक घंटा मा दुकान हटावे का पराथै। कमला देवी कहिन कि पचास साठ साल से दुकान लगावत है अउर कौनो कमाई कै जरिया नाय बाय। अनुमरी पन्द्रह साल से दुकान लगावा थिन। हर साल प्रशासन येहि तरह कराथै।

विजय कुमार कहिन की प्रशासन सिर्फ फुटपाथ पै दुकान लगावै कै अधिकार दिया थै कब्ज़ा करे कै नाय। अउर हमरे सब कब्ज़ा नाय करे हई। जब कहा थे तो हटाय लींन जाथै। अधिकारी हुवय जवन कहिहै उहै करै का परे। अरविन्द कहिन कि हर ब़ार यही हुआ थै कभो नगर पालिका भी हटवाय दियाथै। एक घंटा कै मोहलत दईके। न हटाय पावे तौ गिरावै लगाथिन।

संजय प्रसाद बताईन की कुछ दिन पहिले येहि मार पीट भए रही तौ शासन का हम लिखके दिए रहेन। लकिन केहू गवाही दिये के ताई नाय तैयार भय। पूरा कागज हम अकेल कचेहरी मा जमा करेंन। केहू आगे नाय आवत।

रिपोर्टिंग- मनीषा संगीता

23/08/2016 को प्रकाशित

फैजाबाद में प्रशासन ने हटवाया अतिक्रमण
अब कहाँ जाएँ लोग?