फैजाबाद जिले के गंगापुर गाँव में राशन कार्ड की समस्या

जिला फैजाबाद, ब्लाक मया, गाँव गंगापुर के मनइन कै आरोप बाय कि पात्र लिस्ट मा नाम हुवय के बाद भी कोटेदार राशन नाय देते।लकिन कोटेदार कै कहब बाय कि नई लिस्ट हमरे पास अबहीं नाय आय बाय।
गंगापुर गाँव के श्यामकली कै कहब बाय कि चौदह घर कै बस्ती बाय जेहम सिर्फ दुई मनई कै राशन कार्ड बना बाय। सुगना कै कहब बाय कि इलेक्शन के वजह से नवा राशन कार्ड नाय मिला बाय। कोटेदार कहा थे कि बन जाये। जबकि यकरे पहिले हमै राशन मिलत रहा। अब नाय देते।
देवी प्रशाद कै कहब बाय कि छह महीना पहिले आंनलाइन फार्म भरे रहेन अबहीं तक कार्ड नाय मिला न ही राशन मिलै जबकि सूची मा हमार नाम भी बाय।रोहित कै कहब बाय कि सूची मा नाम बाय एही से हर महीना राशन लियै जाई थी तौ कोटेदार डांट के भगाय दियाथे।कहाथे जब राशन कार्ड मिले तब आया तबै राशन मिले।
कोटेदार विजय बहादुर सिंह कै कहब बाय कि नेट पै फीडिंग हुवय के बाउजुद कुछ मनई के नाम राशन नाय मिलत बाय तौ कहाँ से दी। जवन मनई फार्म भरे रहे वहमा से कुछ मनई कै नाम किटगा बाय। जेकै नाय कटा बाय इलेक्शन बाद राशन कार्ड मिले तौ राशन मिले। जवन पुरान लिस्ट मा नाम बाय उनहीं का मिलत बाय।

रिपोर्टर- संगीता

Published on Feb 9, 2017