खबर लहरिया फैजाबाद फैजाबाद जिलें के मसौदा गाँव में खेती की ज़रूरी बातें जानिये

फैजाबाद जिलें के मसौदा गाँव में खेती की ज़रूरी बातें जानिये

जिला फैजाबाद, ब्लाक मसौधा, डाभासेमर मा हर छह महीना मा लागै वाला किसान मेंला 23 दिसम्बर का मसौधा ब्लाक के डाभासेमर गाँव मा लाग। जेहमा किसान आपन आपन स्टॉल लगाईन। ई मेला हर सीजनमा एक बार लागाथै ई रवी के सीजन मा लाग। अउर किसानन का नई नई जानकारी दीन गए।
किसान केशरा देवी कै कहब बाय कि किसान मेला के बारे मा ब्लाक वाले जानकारी दिहिन। नई नई खाद बीज, खेती मा कीड़ा न लागै एकरे बारे मा जानकारी दीन गए।
जिला कृषि अधिकारी डाक्टर राजेश कै कहब बाय कि ई मेला किसानन के ताई ही लागाथै। चाहे खाद हुवय चाहे बीज, किसानन के जरुरत के सामान प्राइवेट कम्पनी अहैं।नया नया खरपतवार नाशक दवा निकला बाय। जैसे इन्सेक्टी साइड अउर पेस्टीसाइड। कृषि विभाग के तरफ से सारे स्टॉल वालेंन का निर्देशित कीनगा बाय कि उचित दाम लईके किसानन का दीन जाय। जनपद कै साढ़े तीन लाख किसान का ई लाभ मिला थै। हर एक ब्लाक से किसान बुलावा गा अहैं।
हेमराज सिंह जिला गन्ना अधिकारी फैजाबाद कै कहब बाय कि किसानन का गन्ना के बारे मा नई नई तकनीकि जानकारी दीन जाथै। साथ ही साथ लागत कम अउर उत्पादन कैसे बढ़े ई सारी जानकारी दीन जाथै। किसानन का प्रेरित करीथी कि लागत कम कईके उत्पादन बढ़ावे। येहि समय रवि के सीजन मा बसंत कालीन गन्ना कै बुवाई के बारे मा जानकारी दीन जात बाय कि कउने प्रजाति कै बीज लगावै जेसे उत्पादन बढ़ै अउर लागत कम लागय।
जिला उद्यान निरीक्षक चन्द्र प्रकाश कै कहब बाय कि जनपद कै जितनी भी योजना `केंद सरकार कै हुवे या राज्य सरकार कै, बिभाग मा चलाई जात बाय वहि योजना के बारे मा किसानन का जागरूक करीथी। कृषि बिद्यालय मा शोध केंद्र चलाथै। बीज एन एच आर डीएफ़ से ली थी। जैसे लहसुन, प्याज जवन शोध कइके बीज तैयार कीन जाथै।वका अपने देखरेख मा किसानन का वितरित करवाय जाथै।

रिपोर्टर- संगीता और मनीषा

Published on Jan 6, 2017