जिला बांदा, ब्लाॅक तिन्दवारी, गांव बंशी डेरा। या गांव के कइयौ मड़ई 13 जून का डी.एम. का दीन गे दरखास मा आरोप लगाइन कि हमार नाम बी.पी.एल. सूची मा है। प्रधान कालोनी नहीं देत आय। यहिसे उंई लोग डी.एम. का दरखास दइके कालोनी के मांग करिन हैं।
गांव के गौरा अउर करुइया का कहब है कि हम लोग बहुतै गरीब अउर दलित जाति के भूमिहीन मजदूर आहिन। मेहनत मजदूरी के सहारे आपन परिवार का भरण पोषण करत हन। जेहिसे घर खर्च तक मुश्किल परत है। यहिसे हम लोग प्रधान से कालोनी अउर शाचालय के मांग करत हन।
डी.एम. योगेश कुमार तुरतै बी.डी.ओ. का आदेश कइके जांच करैं का कहिन हैं।
रिपोर्टर – शिवदेवी
