खबर लहरिया औरतें काम पर फांसी लगा के दिहिस जान

फांसी लगा के दिहिस जान

amhela mudda gonda copyजिला चित्रकूट, ब्लाक कर्वी, गांव गांड़ा के सुनैना नाम के औरत कहिस कि 23 मई का मोर लड़की लीला देवी उर्फ गुड़िया फांसी लगा के मरगे हवै। यहिके सूचना मिलै मा भरतकूप चौकी के पुलिस का मिली तौ लाश का पोस्ट मार्टम भा रहै।
सुनैना का कहब हवै कि लड़की लीलावती उर्फ गुड़िया के उम्र लगभग सोलह साल रहै। वा दिन कउनौ घर मा नहीं रहै। हम सबै जंगल लकड़ी लें चले गे रहेन। वा अकेले घर मा रही हवै। वा सून घर पाके अपने फांसी लगा लिहिस। जबै जंगल से घर आय तौ लड़की फांसी मा झूलत रहै। या हालत मा लड़की का देख के रोवै लागिन तौ पड़ोस के मड़ई भरतकूप चौकी मा फोन करिन। मोर सेइ पाली लड़की मर गे हवै।
भरतकूप चौकी के पुलिस वाले शिवशरण का कहब हवै कि लड़की अपने से फांसी लगाइस हवै। यहिसे कउनौ के खिलाफ रपट नहीं लिखी गे हवै।

रिपोर्टर – तबस्सुम