खबर लहरिया चित्रकूट फसल सुखान जात

फसल सुखान जात

taja biji laltarodजिला चित्रकूट, ब्लाक मऊ, गांव मोहनी, पुरवा चकवा, चित्रवार गांव अउर कस्बा लालतारोड। इं गांव मा बिजली कटौती लगभग तीन महीना से होत हवै। यहिसे किसान सिंचाई खातिर परेशान हवैं। बिजली कटौती खतम करै खातिर मऊ बिजली विभाग मा 31 अक्टूबर का लिखित दरखास दीन गे, पै बिजली कटौती अबै तक नहीं खतम भे आय।
गांव मोहनी, चकवा पुरवा के हरी प्रसाद चित्रवार गांव के नूर मोहम्मद,,लालतारोड कस्बा के मानसिंह, राजेन्द्र प्रसाद अउर कमलेश कुमार का कहब हवै कि बिजली कटौती बहुतै ज्यादा होत हवै। बिजली चैबिस घंटा मा मुश्किल से कुल दुइ घंटा रहत हवै। बिजली आवै जाये का कउनौ समय नहीं रहत हवै। हमार फसल बिना सिंचाई के सुखान जात हवै। काहे से कि ट्यूवबेल बिजली न रहैं के कारन चलत नहीं आय। मऊ बिजली विभाग वालेन का कहब हवै कि बिजली बराबर दीन जात हवै।