प्रखण्ड में लागल कोठी के कैम्प
जिला सीतामढ़ी, प्रखण्ड बथनाहा में 5 फरवरी 2014 के विशेष कोठी के कैम्प लागल रहई। जेईमें एक सौ एकतालिस कोठी जाति के अनुसार प्रखण्ड में किसान सब के बीच वितरण कयल गेलई।
इहां के किसान शंकर प्रसाद, शोभा देवी, प्रमीला देवी, प्रमोद राय सब कहलथिन कि हम सब कोठी ऐई ला लेली कि बाजार दुकान से सस्ता मिलई छई त कुछ त सहयोग मिल गेलई अउर इ लाभ के लेल रसीद पहचान पत्र अउर एक फाॅर्म आवेदन के साथ देई छी तब इ कोठी मिलई छई।
किसान सलाहकार कमल अउर अकलेश कुमार अउर प्रखण्ड कृषि पदाधिकारी रामबली महतो सब के कहलथिन कि जिला में किसान न पहुंच पवईत रहलथिन। ऐही से किसान के सुविधा के लेल प्रखण्ड में ही कोठी के वितरण कयल गेलईय। जेईमें अनुसुचित जाति के 23, सामान्य जाति के 118 अउर कुल कोठी 141 वितरण कयल गेलई।