जिला बांदा, ब्लाक बडोखर खुर्द, गांव चहितारा। समाजवादी पेंशन अउर इंद्रा आवास मा तैयार होय वाली सूचिन मा नाम चढ़ावैं के मांग का लइके सदर तहसील के कलेक्ट्रेट मा चहितारा के लोग प्रदर्शन कइके 13 मई का डी.एम.का मांग पत्र दिहिन।
मांग पत्र मा शिवप्यारे पुत्र राम खेलावन जउन चहितारा गांव से क्षेत्रपंचायत सदस्य है। वा कहिस कि समाजवादी पेंशन अउर इंद्रा के पात्र लोगन के सूची अबै तक तैयार नहीं होई पाई। सचिव अउर प्रधान बिना मीटिंग बोलाये आपन माफिक के लोगन का सूची मा नाम भर के तैयार कइ दिहिस है। अबै ग्राम पंचायत मा कउनौ खुली बइठक नहीं बोलाई गे न कउनौ का सूचना दीन गे आय। यहिसे वार्ड सदस्य साथै मैकी गिरजा अउर सीमा सहित पचासन मड़ई डी. एम से नाम चढ़वावै के मांग करिन है।
डी.एम. योगेश कुमार कहत हैं कि चहितारा गांव मा बिना बइठक सूची बनाई गे है तौ वहिके जांच कराई जई। यहिके बाद कारवाही होइ।
रिपोर्टर – शिवदेवी