खबर लहरिया ताजा खबरें पी.डब्लू.डी. करमचारिन के रूकी वेतन

पी.डब्लू.डी. करमचारिन के रूकी वेतन

पी डब्लू डी भाग प्रांतीय खण्ड विभाग बांदा

पी डब्लू डी भाग प्रांतीय खण्ड विभाग बांदा

बांदा जिला के पी.डब्लू.डी. विभाग मा दुई हजार करमचारी हैं। उंई करमचारिन के वेतन फरवरी 2014 से नहीं मिली आय यहिसे उंई परेशान हैं।
सिंधन गांव का बाबू सिंह अउर बासदेव बतावत हैं कि हम पी.डब्लू.डी. विभाग मा नौकरी करत हन। हमार तीन महीना (फरवरी, मार्च अउर अप्रैल 2014) का वेतन रूका है। यहिसे हम लोगन के खर्च खातिर एक-एक रूपिया मुश्किल है। तेजीलाल अउर अमर सिंह कहत हैं कि अगर एक महीना अउर वेतन न मिला तौ हम भुखमरी के कगार मा आ जइबे। कउनौ के घर मा शादी का खर्चा है तौ कउनौ के घर के आम खर्च अउर बीमारी से परेशान हैं। अगर हर महीना समय से वेतन मिलै लागै तौ नींक है। कहां तक मड़ई हेंया होंआ से कर्ज लइके खर्च चलावै। अगर मई 2014 तक हमार सबै करमचारिन का वेतन न मिली तौ हम लोग धरना प्रदर्शन करै का मजबूर होई जइबे। या दरखास हम डी.एम. शीतल वर्मा का भी दीन है।
डी.एम. शीतल वर्मा का कहब है कि पी.डब्लू.डी. विभाग के करमचारिन के वेतन या महीना जारी होइगे है।