खबर लहरिया बुंदेलखंड पिछले पंद्रह सालों से ख़राब है महोबा जिले के अकटौहा गाँव का सड़क

पिछले पंद्रह सालों से ख़राब है महोबा जिले के अकटौहा गाँव का सड़क

जिला महोबा, गांव अकटौहा की सड़क पंद्रह साल से ख़राब डरी आदमियन को केबो हे के जा गांव की सड़क पिछले पंद्रह साल से ख़राब हे। पहले इते से टैक्सी जीप सब निकरत ती लेकिन अब तो इते पैदल चलबो भी मुश्किल हे।
जागेश्वर श्रीवास ने बताई के जा सड़क तो बोहतई दिन से ख़राब हे सब से कई कोऊ नइ सुन रओ न पिछली पंच बर्षीय जोजना में बनी न जा में बनी। बस सब जने जइ कत रत के बनबा देहे बनबा देहे न कोऊ आदमी निकर पात न कोनऊ टैक्टर वाहन नइ निकर पात।
दसरथ ने बताई के केऊ बार बनबाबे की के दई लेकिन हओ तो सब कोऊ के देत लेकिन बनवात कोऊ नइया।
राम दुलारी ने बताई के कोऊ नइ सुन रए हमे भोत परेशानी हो रई। हमाय ते शादी भी एसे में ही हो गयी न कछू निकर पात। पानी भरबे जात सो गिर गिर परत। सो गगरी फूट जाती और लग जात। मोड़ी मोड़ा हे सो बे गिर गिर परत बूढ़े आदमियन को अलग परेशानी हे। सब को परेशानी हे प्रधान जी कत के हटवा देहे घूरे लेकिन कोऊ नइ सुनत न अबे तक घूरे हटे।
प्रधान अरविन्द्र राजपूत ने बताई के कार्य यजना बना के भेज दइ जिला में पिछली पंच बर्षीय योजना एसी हती के बामे कोनऊ काम नइ भओ अब हम करबा रए गांव को विकास।

रिपोर्टर- सरोज

13/02/2017 को प्रकाशित