एक्सीडेन्ट से घायल मनई
जिला फैजाबाद, ब्लाक मया, गंाव समन्था। हिंआ 5 नवम्बर 2013 के सबेरे 9 बजे महेन्द्रा पिकप एक पेड़े मा लड़ जाय से तीस मनई घायल होय गै हइन। जेहन से तीन मनई बहुत सिरियस रहिन। अकबरपुर किछौछा से फैजाबाद की तरफ जात रहिन गाड़ी पेड़ से टकराय के पलटि गै।
सड़क से लगभग एक लठ्ठा जमीन से दूर पापलर के पेड़ से लड़ै से गाड़ी कै चारों चक्का ऊपर होयगै सब मनई वही के नीचे दबाय गइन कुछ लोग सड़क पै गिरिन तौ कुछ जाय के दूर पै गिरिन दुई मनई कै सर बहुतै बुरी तरीका से फूटा रहा लम्बी संास चलत रही। एक दस साल के गेदहरा कै सिर के ऊपर कै टोपी कट गै रहा। समीमा बानों कै कमर टूट गै बाय।
लगभग पन्द्रह गेदाहरै रहिन कउनौ कै हाथ टूट बाय तौ कउनौ कै पैर यहि गाड़ी मा कइव जिला कै मनई रहिन गोण्डा, बस्ती, सहदुल्लापुर, बलरामपुर दुई मनई के मुंह अउर नाक से लगातार खून गिरत रहा। रूक-रूक संास चलत रहा। गाड़ी पलटे के बाद एक घन्टा तक तौ न महराजगंज थाना पहुंचा रहा अउर न मया अस्पताल से एम्बुलेन्स। समन्था गंाव कै मनई अउर राहगीर गाड़ी के नीचे दबान मनई का निकारके बहिरे करिन कुछ का लोकल गाड़ी से मया सी.एस.सी. अस्पताल मा भेजिन।
दस बजे महराजगंज थाना पहुंचा जबकि अस्पताल अउर थाना से ज्यादा से ज्यादा डेढ़ किलोमीटर कै दूरी बाय। यकरी बाद घायल मनईन का जिला अस्पताल भेज दिहिन नार्मल वालेन कै मरहम पट्टी सी.एस.सी. अस्पताल मा भै।