पार्क वाले रास्ता मा भरा पानी

जिला अम्बेडकर नगर। अकबरपुर से फैजाबाद जाए वाले सड़क के दक्षिण ओर बना अम्बेडकर पार्क मा जाय वाले रास्ता मा पांच साल से पानी अउर कीचड़ भरा रहाथै। पार्क कि तरफ घूमै से पहिले कीचड़ मा हलिके जाय का पराथै।
अम्बेडकर पार्क करोड़ो रूपया खर्च कइके मनइन कै दिल बहलावै खातिर बना बाय सड़क के किनारे रहै वालेन के घर से जवन गंदा पानी निकराथै उहै सड़क पै भरा रहाथै। सड़क के किनारे से नाली नाय बना बाय यहि कारण से पानी यही भर जाथै।
त्रिलोकीनाथ यादव , जयकिषन बताइन कि नाली निर्माण खातिर नगर पलिका परिषद से कइयौ बार मांग कइगा लकिन नगर पालिका अउर प्रषासन ध्यान नाय देयतिन ।
अकबरपुर नगर पालिका परिषद अध्यक्ष चन्द्रप्रकाष वर्मा बताइन कि पानी निकरै खातिर नाली कै निर्माण होये।