खबर लहरिया फैजाबाद पानी के ताई भटकै मनई

पानी के ताई भटकै मनई

pik 21-9-9 057

बिगड़ा पड़ा नल

जिला फैजाबाद, ब्लाक मया, गांव काजीपुर। हिंआ सड़क किनारे पन्ना लाल मौर्या के घर के सामने कै हैण्डपम्प बिगड़ा बाय। जेहमा जानवर बांधा जाथे। पानी खातिर मनई तरसत अहैं।
उमा, दुर्गावती, राजेष बताइन कि ई हैण्डपम्प बिगड़े साल भर हुवत बाय लकिन बनत नाय बाय। अब हत्था मा गोरू बाधा जात बाटिन। ई हाल बाय गांव के भीतर कै। प्रधान बनवावै के तायि तौ कहिहै कि हां बन जाये लकिन बनत नाय। जबकि गांव मा काव बनत बिगड़त बाय प्रधान कै जिम्मेदारी हुआथै। लकिन प्रधान से एक काम ढंग से नाय होय पावत बाय चाहे हैण्डपम्प हुअय या नाली खण्ड़जा। जब कहा तौ कहूं पैसा नाय बाय तौ कबहौं मनइन नाय मिलते। इहै बहाना रहा थै। अब गर्मी मा मनई पानी के बिना व्याकुल रहिहैं लकिन जगह-जगह कै नल बिगड़ा पड़ा बाय।
प्रधान सुरजी देवी बताइन कि मांग जलनिगम विभाग से कै गै बाय अबहीं पास होय के नाय बाय।
जल निगम कै मनोज कुमार बताइन कि रिबोर कै काम जल निगम से हुआ थै। अगर बिगड़ा रहै तौ वकै जिम्मेदारी प्रधान कै हुआ थै।