खबर लहरिया बुंदेलखंड पानी आए ना आए, बिल ज़रूर आ जाएगा, महोबा जिले के कुलपहाड़ कस्बे में

पानी आए ना आए, बिल ज़रूर आ जाएगा, महोबा जिले के कुलपहाड़ कस्बे में

जिला महोबा, क़स्बा कुलपहाड़ के बरापुरा और तहसील मुहल्ला में आदमी हफ्ता भर तक पानी के नल को देखत रत। इते पानी की परेशानी होबे से आदमियन में शासन के लाने बोहतई गुस्सा हे। जब पानी बरसत तो आदमी बर्तनन में पानी भर के रख लेत।
जब हर घर में पानी के नल की सुविधा होबे के बाद भी पानी काय नइ आत। लेकिन हर महीना आठ सौ रुपइया बिल जरुर आ जात। आदमियन की शिकायत हे के जल संस्थान हफ्ता में एक बार पानी की आपूर्ति करत जी के मारे जरूरते पूरी नइ हो पाती।
राम स्नेही ने बताई के टेंकर आत सो उनसे पंद्रह बीस लीटर से ज्यादा पानी नइ मिलत मुहल्ला बडो हे और टेंकर एक आत।
रधिया और सियारानी ने बताई के जब नल नइ आत तो बहुत दूर से पानी भरने परत ।नल आठ दिन में एक दिन आत।
राजेश श्रीवास्तव जेई जल संस्थान ने बताई के आदमियन को जो केबो गलत हे के आठ दिन में पानी आत। लाइट की परेशानी हो गयी ती तो दो दिन पानी नइ आओ। लेकिन पानी तो रोज जात बस टाइम निश्चित नइया अगर कबहु लाइट जल्दी आ जात तो जल्दी देर से आत तो देर से देत पानी।

रिपोर्टर- श्यामकली

24/05/2017 को प्रकाशित