खबर लहरिया औरतें काम पर परामर्श केन्द्र मा मारपीट करिस पति

परामर्श केन्द्र मा मारपीट करिस पति

1 (14)जिला बांदा, ब्लाक जसपुरा, गांव महबरा। हेंया के परवीना का आरोप है कि वहिकर पति 15 जनवरी का परामर्श केन्द्र मा पुलिस के सउहें वहिके साथै मारपीट करिस है। वा 19 जनवरी का एस.पी. का दरखास दइके कारवाही के मांग करिस है।
परवीना का कहब है-“मोर ससुराल महबरा अउर मइका बबेरू ब्लाक का गांव गौरी खांन का पुरवा है। पति जहीर मोहिका गर्भवती के हालत मा भी दारू पी के मारपीट करत रहत है। मैं पति के खिलाफ महिला थाना बांदा मा 15 जनवरी का रपट लिखावैं गईंव। महिला थाना एस.ओ. समझउता करैं का कहिन। मैं 19 जनवरी का परामर्श केन्द्र गईंव। समझउता होत रहैं तबै पति बात बात मा महिला पुलिस के सउहें मोरे साथै मारपीट करिस है। मैं तुरतै एस.पी. का भी दरखास दीने हौं। एस.पी. से मैं खाना खर्चा का मुकदमा लगावैं के मांग करे हौं।“
एस.पी. पीयूष श्रीवास्तव कहिन कि परवीना के पति जहीर के खिलाफ खाना खर्चा का मुकदमा लिखा जई।
जहीर बात बनावत कहिस कि परवीना झूठ इल्जाम लगा के मुकदमा लिखावैं चाहत है। परामर्श केन्द्र मा हम दूनौ के लड़ाई भे जेहिमा परवीना भी मोहिका मारिस है।