देखै भर का लाग हैण्डपम्प
जिला चित्रकूट, ब्लाक कर्वी, गांव सेमरिया चरनदासी। हिंया के प्राथमिक अउर जूनियर स्कूल का हैण्डपम्प पन्द्रह दिन से खराब हवै। या कारन दूनौ स्कूल के बच्चा सड़क पार कइ के पानी पीयै जात हवैं। या से डेर बना रहत हवै। कत्तौ दुर्घटना न होइ। यहै से हैण्डपम्प बनवावै का प्रधान देवराज कोटार्य से कहा गा हवै।
जूनियर स्कूल के हेडमास्टर शिवकल्याण का कहब हवै कि जब हम स्कूल बन्द कर देत हन तौ गांव के लड़का हैण्डपम्प बिगाड़ जात हवै। यहै से मास्टर अउर बच्चा सबै पानी पीयै स्कूल के बाहर जात हवै। या कारन बहुतै परेशानी उठावै का परत हवै।
प्रधान देवराज कोटार्य का कहब हवै कि मैं हर दरकी बनवा देत हौं। अबै मिस्त्री नहीं आय। यहै कारन वा हैण्डपम्प नहीं बन पावा आय। मिस्त्री मिल जई तौ बनवा देहूं।