राशन के चावल
जिला सीतामढ़ी, प्रखण्ड, पंचायत बथनाहा पूर्वी, गांव मजगामा, वार्ड नम्बर सात। इहां लगभग चार पांच लोग के जनगणना भेल हई। लेकिन उनका सब के जनगणना सूची न मिलल हई त उनका राशन कार्ड केना मिलतई। इ समस्या पर कोई विचार न होई छई।
इहां के लोग परमेश्वर ठाकुर, रामरति देवी, प्रमीला देवी सब कहलथिन कि हमरा सब के जनगणना भेल हई। लेकिन हमरा सब के लिस्ट न मिल हई त राशन कार्ड केना मिलतई, कि होतई उ त अधिकारी लोग जनथिन। वार्ड सदस्य दिनेश राय कहलथिन कि जिनकर सब के छुट गेल हई या रिसिविंग न आयल हई त हम सुधार करवा देले छी अउर उनकर कार्ड भी प्रखण्ड में आ गेेल हई। सब के राशन कर्ड मिलतई।
मुखिया पति रंजन झा कहलथिन कि अगर जनगणना भेल हई अउर सूची न मिल हई त एक प्रति सूची अउर लिस्ट पंचायत सेवक के पास हई अउर उ सूची में नाम होतई त उनका आस पास के लोग से क्रम संख्या मिला के उनका राशन कार्ड मिल जा सकई छई।