खबर लहरिया फैजाबाद न बिजुली न पानी बहै ताई नाला

न बिजुली न पानी बहै ताई नाला

जिला फैजाबाद, ब्लाक मया, कस्बा कनकपुर। मेन सड़क से नाला नाय बनत बाय पानी बहै कै बहुतै मुसीबत बाय पचास सालन से।
रामपाल, सुनीता, अरविन्द बताइन कि पता नाय कब तक यहि दुख से छुटकारा मिले हमरे अपने मोहारे पै गड़हा खोद-खोद के पानी बहावै का परा थै। अगर सड़के वही पार पानी केहू के खेत मा फेकै तौ लड़ाई होय लागाथै। यहि दिन मा जमीन ज्यादा सोख बौ नाय करत कि दुवारे पै फेक दियै से सूख जाय।
पे्रमादेवी, केशपति बताइन कि सब प्रधान जीतै से पहिले इहै कहिहै कि बस हमै जितावा तौ हम सब सुविधा कराऊब अउर जीते  के बाद कुछ याद नाय रहत नाली, बिजुली, मनरेगा जैसन सबै काम भूल जाथे कि हम काव कहे रहेन अगर कहबौ करा तौ कहिहै कि बजट नाय बाय।
प्रधान साधूराम बताइन कि यहमा ज्यादा पैसा लागे नाला अउर बिजुली क्षेत्र पंचायत से या विधायक निधि से बन सकाथै।
क्षेत्र पंचायत शीला गुप्ता बताइन कि हम बिजुली नाला खातिर विधायक निधि से कइव महीना पहिले मांग  करे हई। यहि लास्ट अगस्त से काम शुरू होय जाये। अउर ई पानी गावं पीछे तलाब मा गिराय जाय।