जिला बांदा, ब्लाक बडोखर खुर्द, गांव विसण्डी। 24 मई का दलित जाति का पुन्ना लाल डीएम आफिस मा नियाव के मांग खातिर आवा रहै। वहिका आरोप रहै कि मोरे लड़का तिजोला का बिना कसूरै चोरी के आरोप मा फसवा गा है।
पुन्ना लाल का कहब है कि मै दलित जाति का गरीब मजदूर आहूं। 23 मई का थाना कोतवाली नगर के पुलिस मोरे लड़का तिजोला का चोरी के आरोप मा गिरफ्तार कइके कोतवाली लिवा गे है अउर वहिके साथै मारपीट करिस है। जब कि मोर लड़का चोर अउर अपराधी निहाय। वहिके खिलाफ आज तक कउनौ थाना अउर चौकी मा शिकायत दर्ज निहाय। वहिका साजिश कइके प्रधानी चुनाव के रंजिश मा फसवा गा है। जबकि जउने चोरी के मामला मा वहिका फसवा जात है वा चोरी भे तक निहाय। या मारे मैं डी.एम. से नियाव के मांग करत हां कि जउने चोरी के आरोप मा मोर लड़का का फसवा गा है। वहिके जांच कीन जाय अउर मोरे लड़का साथै मारपीट करैं वाले पुलिस वालेन के खिलाफ कारवाही कीन जाय।
डी.एम. योगेश कुमार का कहब है कि जउने मामला मा फंसावा गा है। वहिके जांच कराई जई।
रिपोर्टर – गीता