नायब तहसीलदार का चला खास अभियान

जिला चित्रकूट, ब्लाक मानिकपुर। हिंया के नायब तहसीलदार राजेश विश्वकर्मा पुलिस फोर्स के साथ 24 फरवरी का कस्बा मा अतिक्रमण हटावैं अउर खाद्य सामाग्री के गुणवत्ता परखैं का अभियान चलाइन। कइयौ दुकानदार का सड़क मा दुकान न लगावैं अउर स्पायरी डेट का सामान न बेचैं के नसीहत दिहिन। दुबारा गड़बड़ी पाई जाये मा कारवाही करैं का भी कहिन हवैं।
किराना दुकानदार विनोद कुमार कहिस कि इनतान का अभियान पहिली बार भा हवै। मोर दुकान के बिस्कुट नमकीन स्पायरी डेट के निकले हवैं। मैं कम्पनी वाले से बात करिहौं मोहिका नहीं पता आय कि बिस्कुट नमकीन स्पायरी होइगा हवै।
नायब तहसीलदार राजेश विश्वकर्मा का कहब हवै-“मानिकपुर एस.डी.एम. अउर मैं मिलके या तय कीन कि अतिक्रमण हटावैं अउर सड़ी गली सब्जी, फल न बेचैं दीन जई। जेहिसे कि मानिकपुर का स्वच्छ, सुन्दर अउर सुसज्जित बनावा जा सकै। शाम सुबेरे पूरे कस्बा के दुकान के सामान के जांच कीन जई। मैं स्कूल के खाना आर पढ़ाई के भी गुणवत्ता जंचिहौं।”