जिला चित्रकूट, ब्लाक कर्वी, गांव बनकट, वार्ड नंबर ग्यारह। हिंया के मड़इन का आरोप हवै कि कुंआ के सफाई लगभग पन्द्रह साल से नहीं भे आय। यहिसे सैकड़न मड़ई पियै खातिर पानी के समस्या झेले का मजबूर हवैं। कुंआ के सफाई करवावैं खातिर कर्वी नगर पालिका मा कहा गा नगर पालिका वाले कहत रहैं कि कुंआ के सफाई करवावैं खातिर प्रधान से कहौ। वा सफाई करवाई।
हिंया के सुनील कुमार का कहब हवै कि वा वार्ड मा लगभग सौ घर हवैं। इं घरन के मड़ई पानी का परेशान हवैं। मजबूरी मा मड़ई पियै खातिर कुआ से गंदा पानी भरत हवैं। कुंआ के सफाई होइ जात तौ पानी के समसया खतम होइ जात।
प्रधान सोना देवी के लड़का विद्या सागर का कहब हवै कि मनरेगा के तहत गांव मा बजट अई तौ कुंआ के सफाई करवा दीन जई। काहे से कि अबै तौ बजट नहीं आय। यहिसे सफाई नहीं होइ सकत हवै।
रिपोर्टर: नाजनी रिजवी