नहीं जलाइन बिजली, विभाग भेज दिहिस बिल

जिला बांदा, ब्लाक कमासिन, गांव भीती। 18 फरवरी 2015 का डेढ़ सौ लोग बिजली विभाग मा हंगामा करिन। काहे से बिजली विभाग फर्जी बिल भेज के वसूली करै चाहत है।
गांव के चुन्ना अली, सय्यद निशा अउर भोगिया बिजली का बिल देखावत बताइन कि बिजली विभाग अन्धेरगर्दी करत है। दिसंबर 2014 मा गांव मा लगभग तीन सौ कनेक्शन के ढाई हजार हर आदमी से रूपिया लीन गा अउर पर्ची भी दीन गे है। कनेक्शन के बाद मीटर नहीं लगाये गे न हम बिजली जलावा पै साढ़े तीन सौ रूपिया से लइके एक हजार एक सौ नौ रुपिया तक के बिल दुई बार भेजे जा चुका है। अगर बिजली विभाग के अधिकारी हमार बिल माफ न करिहैं अउर मीटर न लगइहैं तौ अनशन करै का मजबूर होई जइबे।
कमासिन जे.ई. मुकेश चैरसिया का कहब है कि विभाग मा बहुतै दिनन से मीटर निहाय। कमासिन क्षेत्र मा दुई हजार कनेक्शन हंै जहां मीटर नहीं लाग हैं। बिल भरैं का परी विभाग मा अबै मीटर निहाय जबै अइहैं तौ लगाये जइहैं।