जिला फैजाबाद, ब्लाक पूराबाजार, गांव अवघड़पुर। 16 जनवरी 2015 का षारदा सहायक नहर मा एक लड़की कै शव मिला। जेकै पहचान अनीता गांव अवघड़पुर के रूप मा भै। जवन सिलाई सिखै जात समय 27 दिसम्बर 2014 का लापता होय गै रही।
अनीता कै अम्मा लीलावती वर्मा बताइन कि 27 दिसम्बर 2014 का सिलाई सिखै गै रहीं। दस बजे से तीन बजे तक दर्षननगर मा सिखत रहीं। अउर ग्रामोदय इण्टर कालेज रामपुर सर्धा मा बी ए भाग दो मा पढ़त रहीं। रोज की तरह वहि दिन भी सिलाई सिखै गै रहीं जब षाम तक वापस नाय आइन। तौ सिलाई सेंटर पै फोन से पूछा गै तौ पता चला कि वहि दिन सिलाई सीखै नाय गै रहीं। हर रिस्तेदारी मा पूछागै लकिन पता नाय चला।
अनीता कै बहिन सुमन कै कहब बाय कि 28 दिसम्बर 2014 से 3 जनवरी 2015 तक रोज हमरे मोबाइल पै धमकी मिलत रहा कि तोहरे बहिन का हम पकरे हई। लकिन बात नाय करावत रहा। पूछै पै बतावै कि हरिद्वार से आयके अपने बहिन का लै जा। जब कहेन फैजाबाद लै आवा तौ फोन काट दियत रहा।
पिता रामनेवल बताइन कि 28 दिसम्बर 2014 का हम थाना मा रिपोर्ट लिखायन तौ 16 जनवरी का दरोगा कै फोन आय। कहिन कि नहर मा एक लड़की कै शव मिला बाय। जब जायके पहचान करेन तौ हमरे बिटिया कै रहा। साइकिल अउर बैग परसपुर गांव कै एक जने रखे रहे। अबहीं पोस्टमार्टम रिपोर्ट नाय आय बाय। शरीर एक दम सूज आय रहा यही से कुछ पता नाय चला कि कैसे मउत भै बाय।
पूराकलन्दर थाना कै मुंषी राकेष बताइन कि नहर मा डूबै से मउत भै बाय। लड़की के ष्वांस नली मा बालू अउर माटी घुस गै रहा। घरवाले कै कहब बाय कि हमार केहू से दुष्मनी नाय बाय जेसे अबहीं कउनौ धारा नाय लाग बाय। विवेचना करावा जात बाय।