खबर लहरिया फैजाबाद नहर के दरवाजा कै सटर चोरी

नहर के दरवाजा कै सटर चोरी

Exif_JPEG_420जिला फैजाबाद ब्लाक मया कस्बा महबूबगंज। देईपुर सम्पर्क राजबहा शारदा सहायक नहर मा लाग लोहे के दरवाजा कै सटर चोरी होई गै। दुई साल से किसान के खेत तक पानी नाय पहुंच पावत बाय। लगभग ढ़ाई तीन सौ किसान के खेत तक पानी पहुंच नाय पावत बाय। किसान बब्लू पाण्डेय बताइन कि अट्ठारह बिगहा खेत बाय यही नहर के पानी से सिंचाई करत रहेन। सुखराम, दारा यादव बताइन कि नहर के पानी खातिर दरवाजा दस मनई जुटी कै हाथे से उठवाई जाथै। एक मनई का अगर सिंचाई करै का बाय तौ दस मनई का बोलाई कै दरवाजा उठवावै बिना सटर कै दरवाजा अपने आप बंद होई जाथै। अगर दरवाजा निकाल दिया जाए तौ सारा पानी यही ओर आवै लागै आगे की ओर न जाए पाय। यकर सूचना नहर विभाग मा दिये रहेन लकिन केहू नहर विभाग कै कर्मचारी ध्यान देत हईन।
नहर विभाग कै अधिशाषी अभियंता कुमार डिप्लो बताइन कि कइयौ जगह कै इहै स्थिति बाय। स्टीमेंट बनाय के भेजागै बाय। बजट आवै पै बनुवाय जाये।