नल के चौकी मा जामी घास

जिला फैजाबाद, ब्लाक तारुन, गांव विजैनपुर सहजरा। हिंआ पंचायत भवन के सामने लगा सरकारी नल कै चौकी दुई साल से टूटी बाय। स्कूली गेदहरै अउर गांव कै मनई पानी भरै मा चोटाय जाथे।
हरिष्चन्द्र निषाद बताइन कि यही नल कै चैकी दुई साल से टूटी बाय नल के किनारे घास जाम गै कीचड़ जमा रहाथै। जेसे पानी बहत नाय यही चैकी मा भरा रहाथै।गांव कै मनई तौ घरमा नल लगवाये अहैं लकिन जानवर का यहीं से पानी पियाय जाथै।
राजू, रामरूप बताइन कि जब छुट्टी हुवाथै तौ गेदहरै स्कूल से निकराथे तौ यहीं नल पै पानी पियै चला आवाथे। जेसे फिसल के गिरै कै डर रहाथै। अगर सफाई होय जात तौ ठीक होय जात।
प्रधान अमरावती बताइन कि तबीयत खराब हुवय के कारण कउनौ काम नाय होय पावत रहा। अब यही महीना मा सफाई करुवाय के चैकी कै मरम्मत करुवाय दियब।