बांदा जिला, ब्लाक नरैनी। या क्षेत्र मा लगभग एक महीना होत आवत है खसरा के बीमारी का प्रकोप जोर शोर से चलत है। यहिके बाद भी स्वास्थ्य विभाग अन्जान बना बइठ है। उनका या तक पता नहीं रहत कि या समय उनके इलाकन मा कउन सी बीमारी का प्रकोप है।
नरैनी कस्बा के जवाहर नगर मोहल्ला के रिंकी बहुतै जोर से खसरा के बीमारी से जूझत हैं। वहिका कहब है कि मोर पूरा परिवार या बीमारी के मार झेल चुका है। पहिले मनसवा, फेर बेटा अब जूझत हौं।
यहिनतान कटरा गांव मा भी कइयौ परिवार खसरा के बीमारी से परेशान है, पै या बात के भनक इतना पास मा अस्पताल होय के बाद भी डाक्टरन का बीमारी के बारे मा कउनौ पता निहाय। कालिजंर प्राथमिक स्वस्थ्य के डाक्टर वी.के. राजपुत का कहब है कि कटरा गांव मा बीमारी फइली है। यहिके बारे मा हमका जानकारी निहाय। अब पता चला है तौ टीम भेजी जई।
रिपोर्टर: गीता और कविता