खबर लहरिया अम्बेडकर नगर नगर पालिका सफाई कर्मियन का मिला ड्रेस

नगर पालिका सफाई कर्मियन का मिला ड्रेस

जिला अम्बेडकरनगर, ब्लाक टाण्डा। हिंआ सफाईकर्मी के ताई नगर पालिका परिषद कै अध्यक्ष द्वारा काम करय के समय ड्रेस लागू कीन गै।
नगर पालिका परिषद के अध्यक्ष हाजीइफ्तेखर अहमद कै कहब बाय कि क्षेत्र के गली मोहल्ला के मुख्य मार्ग कै सफाई करय के ताई पचहत्तर स्थाई अउर एक सौ चार संविदा कर्मियन कै नियुक्ति भै बाय। सफाई करत समय सफाई कर्मी कउनौ ड्रेस नाय पहिने रहतिन। जेसे उनकै कउनौ पहिचान नाय होय पावत। कइयौ सफाईकर्मी यकै फायदा उठायके ड्यूटी के समय कुछ अउर काम कराथिन। यहि लिए नगर पालिका परिषद द्वारा पुरुष सफाईकर्मी का गांधी आश्रम के कपड़ा कै कुर्ता व पायजामा अउर मेहरारु का लाल व हरा रंग कै साड़ी व्लाउज अनिवार्य किहिन। जेहमा स्थाई सफाईकर्मी की ताई लाल व संविदा सफाई कर्मी के ताई पहिनब अनिवार्य कै दीनगै बाय।
ई ओ आर.डी. बाजपेई सफाई खाद्य निरीक्षक अमरीश कुमार नोडल अधिकारी अहमद जलील अहमद सभासद शाजिद मौजूद रहिन।