जिला महोबा ब्लाक पनवाडी गांव पहडिया। एते की ओरतन को आरोपहे की हमन एक महीना काम करो होहे। अभे तक मजदूरी को रूपइया नई मिलो आय। इसे हम लागे बोहतई परेशान हें।
कस्तूरी कहत हे की मैंने अट्ठारह खन्ती डारी हती पर अभे तक रूपइया नई आओ प्रकाश, रामसिंह,ओर रवेन्द्र कहत हे की हम लोग गरीब हे ओर हमारे पास पैसा भी नइया। एई मेहनत मजदूरी के रूपइया से हम लोगन खा घर खर्च चलत हे, पे मजदूरी को रूपइया न मिले से हमने दुसरे को रूपइया उठा खे अनाज खरीदने परत हे अगर पैसा समय ये मिल जाये तो कहे के लाने दुसरन के सामने हाथ फैलाये खा परे।
बी.डी.ओ. प्रदीप कुमार पाण्डेय कहत की प्रधान जैसे अलग अलग जगह काम कराउत हें। उमें जल्दी पैसा नई आ पाउत क्रम बाई क्रम पैसा पास होत हे एक महीना तो नई भओ आये पर लगभग बीस दिन हो गये दो तीन दिन में पैसा खाते में डाल दओ जेहे।
