बोवाई का समय पै नहीं मिला बीज
जिला बांदा, ब्लाक महुआ। या क्षेत्र के किसान पन्थबारह के धान बीज खातिर बीज भण्डार के चक्कर लगावत है। बोवाई का समय नजदीक है, पै उनका बीज नहीं मिला।
महुआ गांव के साबीर अउर चुनबाद बतावत हैं-“हम लोग चार दिन से बीज खातिर भटकित हन। अगर बोवाई के समय बीज न मिली तौ खेती पछर जई।“ छिबांव गांव का रमचुन्नू कहत है कि जून के महीना मा धान के बेड तैयर होई जाय का चाही। तबै ज्यादा पैदावार होत है। मैं आठ दिन से बीज खातिर लउटत हौं। किसान मड़ई खेती के सहारे रहत हन। वहिमा भी मेहनत के हिसाब से फसल के पैदावार नहीं होई पावै। कतौ खाद बीज नहीं मिलत तौ कतौ बिजली, पानी सूखा अउर बारिश मा फसल खराब होई जात है। पूरे महुआ ब्लाक के किसान परेशान हैं। बीज भण्डार वाले अपने पहचान के मड़इन का महुआ कृषि बीज भण्डार के सहायक निरीक्षक एम. तिवारी कहत है -“24 कुन्तल धान 4 जून 2014 का पन्तबारह आवा है। सब वितरण होई गा है। 15 कुन्तल धान बड़ोखर ब्लाक से किसानन का लइके दीन है।”