खबर लहरिया औरतें काम पर धरना पै बैठे गांव कै मनई

धरना पै बैठे गांव कै मनई

mahila mudda final 3जिला अम्बेडकर नगर, ब्लाक कटेहरी, गंाव खजूरडीह। सामूहिक ब्लात्कार कै आरोपी सूर्यमणि यादव पुलिस पकड़ से बाहर अहैं। पुलिस इनका पकड़ै के ताई इनाम घोषित करिस। लकिन पकड़ नाय मिलिन। 11 नवम्बर का एन्नाउंस करिन कि इनके घर कै कुर्की होये।
विधवा दलित मेहरारु के साथे सूर्यमणि यादव अउर उनकै साथी सभाराम, राजितराम सामूहिक ब्लात्कार करे रहे। न्याय दिलावै अउर सूर्यमणि यादव के गिरफ्तारी के ताई गांव कै मनई 11 अक्टूबर 2014 से अनिष्चित कालीन धरना दिहे हईन। इनके सबकै कहब बाय कि जब तक सूर्यमणि यादव कै गिरफ्तारी न होये तब तक अनिष्चित कालीन धरना जारी रहे।
धरना कै अगुवाई करत विनोद दूबे कै कहब बाय कि हमरे सबका डर बना बाय कि सूर्यमणि यादव कभौं आवत जात धरना पै जानलेवा हमला न कै दियै। पुलिस प्रशासन से जान के रक्षा कै गुहार लगाए हई।
अकबरपुर थाना प्रभारी ओ.पी. शर्मा बताइन कि सूर्यमणि यादव भाग हईन। न्यायालय के आदेश पै हाजिर न हुवय के कारण उनके घर के कुर्की कै वारंट जारी भै बाय। अउर उनके ऊपर धारा 82 लगावा गै बाय।