खबर लहरिया बुंदेलखंड दो साल से खराब हैण्डपम्प, पानी की किल्लत

दो साल से खराब हैण्डपम्प, पानी की किल्लत

M kasbaजिला महोबा, ब्लाक पनवाड़ी, कस्बा पनवाड़ी तिगैला। एते हैण्डपम्प न होंय के कारन हजारन यात्रियन ओर दुकानदारन खा पानी की परेशानी होत हे। ईखे लाने कस्बा के आदमियन ने विधायक उर्मिला राजपूत ओर प्रधान आशाराम से मांग करी हे। कोन
¬ऊ नई सुनत हे।
पानाबाई, प्रेम, भरत ओर हरीनारायण कहत हे कि एते एकऊ हैण्डपम्प नइयां। राठ महोबा ओर हरपालपुर जायें को मेंन  चैराहा हे। दुकानदार तो ईखे ऊखे टोटी वाले नल से पानी भर लेत हे। सवारी प्यासी एते ओते भटकत रहत हे। मन्जू  ओर हरदयाल कहत हे की एक हैडपम्प लगो हे ऊ दो साल से खराब परो हे। सवारी घरन सं पानी मगां-मगां के पियत हे। अगर एते हैण्डपम्प लग जाये तो नींक हो जेहे।
प्रधान आशराम कहत हे कि हैण्डपम्प लगावाउब मोये हाथ में नइयां। ओते विधयक ही हैण्डपम्प लगवा सकत हे। जोन हैण्डपम्प खराब हे। ऊ रिबोर कराउन लायक हे। मेनें मशीन के लाने लिख के जल संस्थान महोबा में भेज हे। जभे मशीन आहे तो रिबोर करा दओ जेहे।