खबर लहरिया सीतामढ़ी दुश्मन लेलक हमर बेटा के जान

दुश्मन लेलक हमर बेटा के जान

maut ed sh wजिला सीतामढ़ी, प्रखण्ड सोनबरसा, गांव विष्णुपुर आधार में 2 फरवरी 2015 के सत्येन्द्र पाण्डेय के गोली मार देलई। जेईमें तेरह अपराधी पकरा के जेल भेजल गेलई।
राजेन्द्र पाण्डेय कहलथिन कि हमर बेटा घरे 2 फरवरी 2015 के खाना खाईत रहे तब गांव के टिंकू महतो हमरा घरे आयल अउर हमरा बेटा के सोनबरसा जाये के लेल कहलथिन तब हमर बेटाा खाना खा के मोटरसाईकिल से जाये लागल त हमर पत्नी रोकलथिन। लेकिन हमर बेटा कहलक कि हम तुरंत चल आयब। रमनगरा भोला बाबा के मंदिर पर हमरे गांव के इंद्रजीत अउर मीथुन हमरा बेटा के मारे के लेल बईठल रहे। हम जनती कि इ सब साजिस रच के ले जा रहल हय त हम न जाये देती। उहां हमर बेटा पहुचलक त उ सब गाड़ी राकवा लेलक अउर फायरिंग करे लागल। हमर बेटा भागे लागल लेकिन उ सब पकड़ के हमरा बेटा के गोली मार देलक। हमरा सब के मालूम भेल त गेली। उहां रामएकबाल पाण्डेय के फूलवारी में हमर बेटा रहे। हम सब थाना में खबर कईली। पुलिस लास के पोस्टमरॅर्टम करवलथिन। थाना अध्यक्ष विवेक कुमार जयसवाल कहलथिन कि केस भेल हई। जेकर काण्ड सेख्या 18/15 हई अउर धारा 301/120 साजिस रच के मौत के धारा में तीनो अपराधि रिंकू, इंद्रजीत अउर मिथुन के जेल भेजल गेलई। अउर अब ऐई थाना से भी अपराधी के छान बीन कर रहल छी। जेईसे अब घटना पर भी छापामारी कर के मेन अपराधी के पकड़ जा रहल हई।