खबर लहरिया ताजा खबरें दुई साल से टूट पुल, नाय भै मरम्मत

दुई साल से टूट पुल, नाय भै मरम्मत

taza fainal copyजिला फैजाबाद ब्लाक मया ग्रामसभा काजीपुर विस्वा गांव महादेवा। हिंआ कै पुल के बीचो-बीच मा दुई साल से टूटिके धंसिगै बाय। दुई जिला के बीच मा पुल बाय लकिन केहू शासन-प्रशासन यकै ध्यान नाय दियत हइन।
गांव कै गयाप्रसाद, कंचन देवी, सुरेश चैहान, सुशीला देवी बताइन कि यही पुल से वस्ती कै रास्ता गै बाय। ट्रक लोड होई कै यही पुल वाले सड़क से गोण्डा बस्ती जाथै। गांव कै प्रधान कइयौ बार माटी पटवाए रहिन। लकिन बार बार धसि जाए से राही के बीच मा गड्ढा होय के कारन हरदम एक्सीडेट हुए कै डर बना रहा थै। गांव के मनईन कै कहब बाय कि येकर सूचना जिलाधिकारी तक कीन गै बाय। दुई जिला के बीच मा हुए के नाते ध्यान नाय दियत बाटिन। जबकि पिछले साल बाढ़ के समय बस्ती कै डी. एम. अउर फैजाबाद कै डी. एम. दुइनौ जने हिंआ कै स्थिति देखी कै गै रहिन।
फैजाबाद डीएम योगेश्वर राम मिश्रा बताइन कि कलेक्ट्रेट पै सूचना दै दियैं तौ जांच कराय के वका बनुवाय जाये।