खबर लहरिया फैजाबाद दिया जलावै के ताई भै मारपीट

दिया जलावै के ताई भै मारपीट

जिला फैजाबाद, ब्लाक तारून, गंाव पिछौरा, मजरा भोला का पुरवा। हिंआ 23 अक्टूबर 2014 का दीपावली के दिन ग्रामसमाज के जमीन मा दिया जलावै के ताई मारपीट भै।
अनीसा वर्मा बताइन कि लगभग सात विस्वा ग्रामसमाज कै जमीन बाय। जेहपै साठ साल से हमार कब्जा बाय। गंाव कै पूर्वप्रधान ह्रदयराम जवन ससुराल मा रहाथे। वै हमार जमीन हड़पै चाहाथिन। दीपावली के दिन जब षाम के वहि जमीन मा दिया जलावै गयन तौ सास संतोषी हमरे ननद सुषमा अउर हमैं तीनों जने का मारिन। एम्बूलेन्स बुलाय के इलाज के ताई भेजिन। ननद सुषमा जिला अस्पताल मा भर्ती बाटिन।
हदयराम वर्मा बताइन कि 27 अक्टूबर 2013 का गंाव मा पंचायत भै रही। वही पंचायत मा सुलहनामा करवाय गै रहा। बाप दादा के जमाने कै जमीन आय। पिछली दीपावली का दिया जलावत समय हमरे मेहरारू षोभावती का पुरानी रंजिष रखके मारे रहिन।
तारुन थाना कै दीवान इन्द्रजीत उपाध्याय बताइन कि राजमणि पुत्र रामदुलारे के तहरीर पै हदयराम रामभवन के खिलाफ 323, 504 धारा लाग बाय। दूसर पक्ष श्रीमती षोभावती के तहरीर पै संतोषी, सुषमा अनीषा वर्मा के खिलाफ 323 धारा लाग बाय।