25 फरवरी 2018 का रात के आठ बजे चित्रकूट जिला मा एक लड़की शौच करै गे रहै तौ वहिके साथै बलात्कार होय के घटना सउहें आयी हवै। राजापुर क्षेत्राधिकारी सुरेश प्रसाद शर्मा का कहब हवै कि घटना के रपट लिख लीन गे हवै अउर आरोपीका पकड़ लीन गा हवै।
लड़की के महतारी अउर बाप बताइन कि हमार लड़की शौच खातिर गे रहै । थोड़ी देर बाद वहिके चिल्लाएं के आवाज आयी तौ जाके देखा, तबै तक आरोपी भाग गा रहै, तबै हमार लड़की रोवत-रोवत घर आयी अउर बलात्कार होय के बात बताइस। तबै हम रपट कीने हन।
लड़की बताइस कि जबै मैं शौच जात रहिहौं तौ एक लड़का चबूतरा मा बइठ रहै, फेर मोरे पीछे-पीछे हुंवा पहुंच के मोरे साथै मुंह दबा के बलात्कार करिस हवै। जबै मैं बाद मा चिल्लाएं हौं तौ मोर बाप आव हवै तौ वा भाग गा हवै।
रिपोर्टर- सहोद्रा
Published on Feb 28, 2018
