दहशत का माहौल बना

जिला चित्रकूट, ब्लाक कर्वी, गांव रानीपुर भट्ट, पेट्रोल पम्प मा 13 सितम्बर 2014 के रात मा लगभग ग्यारह बजे गोली मार के दुइ लोगन के हत्या कइ दीन गे। हत्या करैं खातिर जिम्मेदार बोलेरो मा डीजल भरावैं खातिर आवैं वाले छह मड़इन ठहरावा गा हवै। या घटना से जिला मा दहशत का माहौल बना हवै।
ब्लाक कर्वी, गांव बिहारा का रहैं वाला हरिशंकर नवम्बर 2013 से पेट्रोल पम्प मा डिय्टी करत रहै। हरिशंकर के महतारी भूरी का कहब हवै कि मोरे बेटवा हरिशंकर के शादी 14 मई 2014 का बांदा जिला, ब्लाक नरैनी, गांव पचोखर मा निशा के साथै भे रहै। हरिशंकर के उम्र लगभग बाइस बरस रहै। बेटवा हरिशंकर के मरैं से बहू निशा का रो-रो के हाल खराब हवै। हमार कउनौ से दुश्मनी नहीं रहै।
पेट्रोल पम्प मालिक अजय गुप्ता का कहब हवै-“ 13 सितम्बर के रात मा मैनेजर जगदीश प्रसाद द्विवेदी अउर हरिशंकर पेट्रोल पम्प मा रहैं। उनके साथै दुइ लोग तेल भरैं वाले रहैं। डीजल भरैं वाले खाना खात रहैं। वहै समय बोलेरो नम्बर यू.पी. 90 सी 6431 आई। बोलेरो मा बइठ छह मड़ई उतरे अउर बोलेरो मा डीजल भरैं खातिर जगदीश प्रसाद कुशवाहा अउर हरिशंकर से कहैं लाग कि बोलेरो मा डीजल भर देव तौ उंई कहिन कि अबै कुछ मिनट रूक जाव डीजल भरैं वाले खाना खात हवैं। बोलेरो वाले कहत रहैं कि जल्दी करौ नहीं तौ गोली मार देइबै। येत्ती बात भे उंई जगदीश प्रसाद द्विवेदी अउर हरिशंकर के गोली मारिन तौ उंई दूनौ मउके मा मर गें अउर बोलेरो वाले भाग गंे। घटना के जानकारी मिलै मा सीतापुर चैकी के पुलिस आई। लाश का लइके संासद भैरों प्रसाद मिश्र अउर समाजवादी पार्टी के नेता सेानेपुर अस्पताल मा धरना धरिन। मैं अपने तरफ से मरैं वाले लोगन के परिवार वालेन का एक-एक लाख रूपिया मुआवजा दीन जई।”
सीतापुर चैकी के दीवान कहिस कि दरखास लिखी हवै। जांच चलत हवै।
चित्रकूट जिला के एस.पी. स्वामी प्रसाद कहिन कि घटना के समय तुरतै पेट्रोल पम्प मा पुलिस पहुंच गे रहै। हत्या करैं वालेन का पता कइके जेल भेजा जई। पेट्रोल पम्प मा रात अउर दिन मा दुइ पुलिस वालेन के डिय्टी लगाई गे हवै।।