दलित नाबालिक के साथे ब्लात्कार कै कोशिश

जिला अम्बेडकर नगर, ब्लाक टांडा। इब्राहिमपुर थाना क्षेत्र के एक दलित लड़की के साथे 23 मई का रात 9 बजे शौच के ताई बाहर गै लड़की के साथे गांव कै ही एक युवक बलात्कार करै कै प्रयास करिस।
लड़की कै पिता बताइन कि हम एक मनई के अंतिम दाह संस्कार मा गा रहेन। हमार मेहरारु आंख से अंधी हइन हमार छोट बेटवा घरपै रहा। रात नौ बजे शौच के ताई घर से करीब पचास मीटर दूर खेत मा गै रही। अख्तर पुत्र यूनुष पहिले से वहिं घात लगाये बैठा रहिन। लड़की का पकरिके बलात्कार करै कै कोशिश करिन। तौ हमार लड़की गोहार लगाइस। गोहार सुनिके लड़की कै भाई अउर गांव वाले लड़की का बचाइन। मनइन कै आरोप बाय कि बचावै गये मनइन के साथे भी आरोपी मारपीट करिस। लड़की के चेहरा पै घाव कै निशान बाय। सूचना इब्राहिमपुर थाना मा दीनगै बाय।
इब्राहिमपुर थाना कै थानाअध्यक्ष विजय कुमार सिंह बताइन कि लड़की के पिता के तहरीर पै युवक अख्तर पुत्र यूनुष के खिलाफ मुकदमा अपराध संख्या 88/16 धारा 354 504 506 आई पी सी एस. सी. एसटी. एक्ट के तहत मुकदमा लिखा गै बाय।