खबर लहरिया बुंदेलखंड थोड़ी सी लड़ाई में जान से मारो

थोड़ी सी लड़ाई में जान से मारो

जिला महोबा, ब्लाक कबरई, कस्बा कबरई, विशाल नगर। एते के 25 साल के बालेन्द्र खा मार दओ हें। जीखी लाश कबरई बीला रेलवे क्रासिंग के एते मिली हे। पुलिस ने पंचनामा भर के पोस्ट मार्टम खे भेज दओ हे।
बालेन्द्र के चचेरा भाई प्रान्शु ने बताओ कि हम डी.जे. के दुकान धरे हे।। जीसे पहरा आउत जात हतो, ओर अच्छा व्यवहार भी हतो। बालेन्द्र ने छह महीना पेहले मोबाइल लओ हतो। तो राघवेन्द्र कहत हतो कि जा मोओ मोबाइल आय। बालेन्द्र ने कागज दिखाओ फिर राघवेन्द्र मान गओ ओर दुकान आउन लगो। दो महीना बाद फिर कोनऊ बात खा लेके लड़ाई भई, ओर मारे की धमकी दई। ईखे बाद 21 अगस्त 2013 खा राघवेन्द्र, मूलचन्द्र ओर ऊखो लड़का बसन्ता ने मारो हे। मार के कबरई स्टेशन से दो किलो मीटर दूर डरी हती। ईखी जानकारी शाम 4 बजे स्टेशन मास्टर ने थाने में आके दई हती। तभई थाने से हम लोगन खा जानकारी मिली हे।
प्रान्शु ने जो भी बताओ कि रात में बालेन्द्र के भाई शैलेन्द्र के मोबाइल में फोन आओ हतो तो राघवेन्द्र कहत हतो कि ज्यादा कानूनी कारवाही करहे तो 15 दिन के भीतर मार देहों।
कबरई थाने के एस.ओ. अशोक कुमार सिंह ने बताओ कि अभे ऊ केस की छानबीन चलत हे, ऊखे बाद कारवाही करी जेहे।