तेज़ रफ़्तार बोलेरो ने रोकी दो बच्चों की जिंदगी की रफ्तार।

बाँदा जिला, ब्लाक तिंदवारी गांव कुरसेजा। हेंया 24 अक्टूबर का एक्सीडेंट होइ गा है। जेहिमा दुइ बच्चन के मउत होइगे हैं। अउर एक गायके जान भी चली गे हैं। गाडी मा बइठे 3 मडई पकड़ गे है ड्राइवर भाग गा है। पुलिस कइत से कारवाही कीन जात हैं।
घटना के जुया मा मौजूद मुकेश शर्मा बताइस कि बच्चा स्कूल जात रहैं। तबै या घटना घटी हैं। एक लड़का साइकिल खड़ी करत रहै अउर एक लड़का जात रहैं। तबै कानपुर से गाड़ी आयी रहैं तौ बच्चन का अउर गाय का कुचलत निकल गें। जेहिमा बच्चन के मउत होइगे है।गाड़ी वाला बहुत लापरवाही से गाड़ी चलावत रहै।यहै कारन या घटना घटी है।
सत्ता का कहब है कि बच्चा तिंदवारी पढ़े खातिर जात रहै। पै गाडी लड़कन के ऊपर चढ़ गे, जेहिसे दुइ लड़का धर्मेन्द्र अउर अमित के मउत होइगे लड़का गोखरही के रहै वाले आही।अबै बच्चन के महतारी बाप का कउनो जानकारी नही आय।यहिमा से एक लड़का अपने ननिहाल मा रहत रहै।पता नही इनतानके घटना सुन के उनके परिवार के का हालत होइ।
तिंदवारी थाना के दरोगा दुरविन्दा का कहब है कि लड़का के परिवार वाले नही आये है यहै कारन अबै मुकदमा दर्ज नहीं कीन गा हैं। मरे वाले दूनो लडकन के पच नामा बन गा हैं। लाश पोस्टमार्टम खातिर लइ गें हैं।जबै लड़का के परिवार वाले आ जइहै तो मुकदमा जरुर दर्ज कीन जई।

रिपोर्टर- शिव देवी

27/10/2016 को प्रकाशित