तीन साल से जर-जर परी सड़क

जिला महोबा, ब्लाक पनवाड़ी, गांव अलीपुरा। इ गांव से लोलारा गांव तक लगभग तीन किलो मीटर सड़क तीन साल से खराब हे। जीसे आटो चलाए वाले ड्राइवर ओर सवारियन खे आये-जाये में बोहतई परेशानी आउत हे।
अलीपुरा गांव के आटो चलाए वाले ड्राइवर नरेन्द्र ने बताओ कि जा सड़क में पांच आटो चलत हे। जा सड़क खराब होय से हमाई गाड़ी पंचड़ या फिर खराब हो जाती हें, तो पनवाड़ी तक दूसर आटो में बांध के ले जाने परत हे।
अलीपुरा गांव के रहे वाले अलखराम, धर्मराज ओर जयहिन्द ने बताओ कि हमाए एते की जा सड़क तीन साल से खराब हे। अगर कोनऊ की तबीयत खराब हो जाय तो ऊखे एई सड़क से पनवाड़ी ले जाने परत हे। पनवाड़ी ले जात-जात मरीज कि हालत खराब हो जात हे। अभे दो महीना पेहले सांसद विजय बहादुर गांव में आए हते तो हमने सड़क बनवाएं खें कही हती तो ऊने भरोसा दओ हे। जा रोड पास भी हो गओ हे पता नइया कब तक बनहे।
पनवाडी सांसद बिजय बहदुर ने कहो कि गंाव का प्रधान या गंाव के लोग मांेसे कहें तो में लिख के डी. एम. खे दहो ओर बजट पास करा के सड़क बनवा दई जेहे।