इनतान हवै हाल
जिला चित्रकूट, ब्लाक कर्वी, कोठी तालाब। या तालाब मा लगभग एक बरस से बाउन्ड्री नहीं बनी आय। यहै से कत्तौ भी मड़ई तालाब मा गिर सकत हवै। या समस्या से सैकड़न मड़ई परेशान हवै। बाउन्ड्री बनावै खातिर अबै तक कत्तौ नहीं कहा गा हवै, पै अब कहा जई। कर्वी नगर पालिका के अधिशाषी अभियन्ता लाल चन्द्र सरोज का कहब हवै कोठी तालाब के बाउन्ड्री एक महीना के भीतर बनवा दीन जई।कोठी तालाब के लगे शंकर सोनी के मोबाइल अउर घड़ी के दुकान हवै। वा कहिस कि दुइ महीना पहिले सड़क बनगे हवै, पै तालाब के बाउन्ड्री अबै तक नहीं बनी। बाउन्ड्री न बनी होय के कारन एक महीना पहिले रिक्शे वाला गिर गा रहै तौ वा चोटागा रहै। कत्तौ भी यहिसे ज्यादा अउर दुर्घटना होइ सकत हवै।कुछ यहिनतान कहत हवै देवेन्द्र समेत पांच मड़ई। उंई कहिन कि कोठी तालाब बहुतै पुरान तालाब हवै। यहिके हालत दिनै दिन खराब होत जात हवै। हिंया लगभग बीस दुकान हवै। काहे से कि बाउन्ड्री नहीं बनी हवै। अगर बाउन्ड्री बन जाये तौ ग्राहक सामान खरीदैं ज्यादा अइहैं, पै नगर पालिका वाले वहिका भी गिरवा दिहिन। अब बनवावत नहीं आय।
