खबर लहरिया फैजाबाद तमसा नदी कै पानी गन्द

तमसा नदी कै पानी गन्द

f kasba fainalजिला फैजाबाद, ब्लाक मया, कस्बा गोशाईगंज मड़हापुल तमसा नदी। यहि नदी कै दशा बीसन साल से बहुतै खराब बाय। शहर के भीतर कै सारा कूड़ा-करकट भाठ दीन जात बाय। नदी मा पानी सूख गै खाली कीचड़ बचा बाय।
महादेवा घाट कै वार्ड नम्बर 10 कै सदस्य अशोक चैरसिया, राधे, चिन्टू बताइन कि हमरे सब कपड़ा छांटै नहाय धोवै जैसे सब काम वही नदी के पानी से कीन जात रहा लकिन अब तौ गन्दा पानी के साथ तमाम बिमारी वही पानी के उपयोग से होई जाये। पांच-छः साल से न तौ बरसात होत बाय अउर न तौ नहर कै पानी खोल जात बाय। कइयौ बार सफाई की खातिर अप्लीकेशन अउर सूचना पत्र डी.एम., एस.डी.एम. अउर विधायक का दीन गै लकिन कउनौ सुनवाई नाय भै।
विधायक अभय सिंह बताइन कि कस्बा कै जनता हमरे पास अप्लीकेशन लइके आय रही हम डीएम के पास भेजे रहेन। पास होइगा बाय। लकिन बजट ज्यादा लागे। बजट कै मांग करब फिर सफाई होये।