खबर लहरिया फैजाबाद ढ़ाबा मा भै मारपीट

ढ़ाबा मा भै मारपीट

finalजिला अम्बेडकर नगर, ब्लाक कटेहरी, गांव पियारेपुर। पियारे पुर के लगे अकबरपुर से फैजाबाद जाए वाले सड़क के किनारे ढ़ाबा मा ढ़ाबा मालिक सहित चार मनई का मोटर साइकिल सवार दुई मनई 4 जनवरी 2014 का मारिन। मौके पै पहुंची पुलिस एक मनई का गिरफ्तार कै लिहिस। एक जने फरार अहैं। दुइनौ जने के नाम अहिरौली थाना मा नामजद मुकदमा दर्ज बाय।
ढ़ाबा मालिक मनोज अग्रहरि बताइन कि पहले कै पइसा बाकी रहा ऊ पइसा मांगै लागेन तौ पइसा नाय दिहिन। फिर खाना मांगत रहिन कहेन पहले कै पइसा दिया यही बात से कहा सुनी होइगै। फिर दुईनौ जने ढ़ाबा मालिक मनोज अग्रहरि, कारीगर रमेष गोस्वामी अउर दुई मजदूर का मारिन। अहिरौली थाना पै फोन करेन तौ पुलिस आय गै वै दुइनौ जने मोटरसाइकिल छोड़ के भाग गये। एक जने का पुलिस पकर लिहिस।
अहिरौली थाना कै एस. ओ. गंगाधर चैहान बताइन कि रमन तिवारी कै मोटर साइकिल कब्जा मा बाय। दूसर आरोपी भाग बाय। तिवारी पुर कै सत्यदेव मिश्र पुत्र रामबुझारत अउर रमन तिवारी के विरुध्द संम्बन्धित धारा लगाय के मुकदमा दर्ज भै बाय। फरार आरोपी कै तलास हुवत बाय।