जिला अम्बेडकर नगर, ब्लाक कटेहरी ग्रामसभा पियारेपुर। हिंआ प्रधानमंत्री ग्राम योजना से दुई सौ मीटर सड़क 11 अप्रैल 2013 मा पास भै रहा जौवन 2014 तक बन जाय का रहा। लकिन अबहीं तक खाली पत्थर अउर माटी पड़ा बाय।
आवै-जाय वाले मनई सुरेश, गायत्री, जगदीश बताइन कि हमरे सब दुई साल से यहि रास्ता पै परा पत्थर परकी आवत जात हई। साइकिल से आय जाय नाय मिलत यही रास्ता पै छोट-छोट गेदाहरै। पढ़ै जाथिन ठोकर लागा कराथै। बोड मा काम पूरा होय 2014 मा लिखा बाय लकिन भर से पत्थर बिछवा कर छोड़ दिहे इिन अगर बनावै का न रहै तौ जवन कुछ रहा उहौ उजाड़े का नाय रहा। यहि सड़क से दस हजार कै आवादी रोज गुजराथै। ठेकेदार हिंआ पै छह माह से झाकै तक नाय आये।
ठेकेदार रिंकू सिंह बताइन कि दस करोड़ बजट कै मांग करे रहेन। अबही सिफै चार करोड़ कै काम भै बाय। पैसा न मिलै से मुख्यमंत्री का लेटर भेजा गै रहा। जबाव आय बाय कि काम शुरु कराय जाए। पैसा दीन जाये। तब अब गिट्टी गिरब शुरु भै बाय। रक्षाबन्धन के बाद बन जाये।