खबर लहरिया ताजा खबरें डी.एम. से नियाव के गोहार

डी.एम. से नियाव के गोहार

 

डी.एम. का दरखास देत बिनवट गांव के मड़ई

डी.एम. का दरखास देत बिनवट गांव के मड़ई

जिला बांदा, ब्लाक कमासिन, गांव बिनवट। हेंया के मड़ई बताइन कि सचिव दिनेश कुमार अउर प्रधान रामकृपाल इन्द्रा आवास के इक्कीस कालोनियन का पांच-पांच हजार रूपिया लई लिहिस है। 22 जनवरी 2014 का डी.एम. भूपेन्द्र एस चैधरी का दरखास दइके नियाव के गोहार लगाइन हैं।
वार्ड नम्बर दुई अउर तीन के सतीनिया, चुन्नी, मंती, संतोषी, मीना अउर देवमनी बताइन-“हम इलाहाबाद यू.पी. ग्रामीण बैंक शाखा बेर्राव से कालोनी के पहली किस्त पैंतिस हजार रूपिया निकारैं गवा। प्रधान अउर सचिव हमसे बैंक के बाहर पांच-पांच हजार रूपिया या धमकी दई के लई लिहिन कि अगर रूपिया न देहौ तौ दूसर किस्त न मिली। राशन कार्ड रद्द करा दीन जइहैं।
प्रधान अउर सचिव कहिन कि हम कोहू से रूपिया नहीं लीन। डी.एम. भूपेन्द्र एस चैधरी कहिन कि या मामला के जांच सी.डी.ओ. से कहिके करा लीन जई। जांच के बाद कारवाही कीन जई।